Nvidia（美：NVDA）據報已向部分數據中心及雲計算客户發出指示，要求它們將中國企業所佔業務比例限制在總數49%以下，即至少51%的服務須售予非中國企業。據報，呢個指示由Nvidia銷售代表及地區團隊口頭傳達，並無任何正式書面文件。

呢個新指示適用於全球數據中心，並非只限亞洲；而且僅影響新簽訂及未來合約，不觸及現有的Nvidia硬件租賃協議。知情者表示，該指示並非強制性，客户同時被要求披露使用晶片的終端用户身分。

美國政府一直「以國家安全為由」限制Nvidia先進晶片對華出口，但Nvidia此前未有對數據中心客户作出類似的比例限制。此次舉措被視為填補美國出口管制的一個漏洞——現行規則限制晶片出貨，但通常不涵蓋透過雲端服務的遠端存取，讓中國AI開發商可以在海外數據中心租用Nvidia晶片算力而毋須進口硬件。據報，美國當局此前曾就Moonshot AI（Kimi聊天機器人的開發商）透過海外數據中心租用Nvidia晶片的個案進行調查。

Nvidia已就此事發出聲明，稱「美國晶片係美國模型及應用開發商喺全球競爭嘅基礎」，並指現行美國政策「鼓勵」雲供應商建立於美國基礎設施之上，並可接受「任何地方」的業務。

反骨機唔服

呢個舉措本質上，係將出口管制嘅壓力，由晶片供應商轉嫁到數據中心營運商身上。數據中心客户自此要承擔向Nvidia披露最終用户身分的責任——雲端服務供應商要逐單核查「誰喺用呢啲卡」。對營運商而言，呢個要求或會收窄潛在客户範圍，對已經激烈競爭嘅雲市場構成額外壓力；對用户而言，則開先多咗一層「你個帳號由邊個開發、喺邊個國家」嘅審查壓力。出口管制嘅圍牆越築越高，但圍牆入面嘅用户，有冇得問一句「點解？」呢個係今次事件真正值得追嘅問題。

反骨機｜深度調教