Earendil 10月2日發布開源 AI 代理（agent，即可以代為執行任務嘅程式）框架 Pi 1.0，同時推出實驗性長任務執行框架 Pi Durable，讓開發者建立可長時間運作嘅代理應用。兩個項目皆採 MIT 授權。

Pi 1.0 整合咗近幾期嘅更新

Pi 一向係一套串接 AI 模型、工具與執行流程嘅開源框架，入麪包含一個可直接喺終端機操作嘅程式開發代理。呢次嘅 1.0 版本整合咗近期陸續加入嘅 Codemode、MCP 同工具延遲載入等能力，並調整咗終端操作介面。

Earendil 表示，Pi 近期喺開發者社群受關注，目前每週有數十萬人使用，GitHub 專案累積超過 10 萬星。

Pi Durable：斷咗線，仲可以執返

Pi Durable 同 Pi 系出同門，主要供開發者建立需要長時間運作嘅代理應用。Pi 原有嘅程式開發代理主要喺終端機由單一使用者操作，執行行程若中斷，通常需要人睇完狀況再指示繼續。Pi Durable 嘅思路唔同：佢喺執行過程會保存檢查點（checkpoint），新嘅執行行程啟動後，可從先前保存嘅狀態繼續處理未完成嘅工作。

工具操作亦可以設定「可否安全重新執行」。例如純查詢資料嘅操作可以重嚟，但部署系統等可能產生實際變更嘅工作，可以設定唔自動重執行，減少同一操作因中斷而重複兩次嘅風險。

Pi Durable 仲能同時管理多條代理對話，並可從既有對話嘅特定時間點分出新工作線，令唔同任務各自繼續。多名使用者可同一時間查看同一代理嘅輸出與進度，並喺任務進行期間加入新指令。

當長時間對話超過模型一次性能處理嘅內容量，Pi Durable 會喺背景將較舊嘅內容以摘要縮短後送給模型，原始訊息則繼續保存喺儲存空間。待辦事項、工作計畫或隔離工作環境等應用狀態，同對話紀錄一起保存，減少兩邊進度不同步。

目前 Pi Durable 提供記憶體、SQLite 及 JSONL 等儲存方式，亦允許開發者自行接上其他儲存系統。官方提醒，Pi Durable 屬實驗性套件，API 後續可能調整。

阿調搞兩下

開發者社群最近最關心嘅一個問題：你嘅代理跑咗幾個鐘，服務重開，進度仲喺唔喺？Pi Durable 想答呢個問題。但「可以執手尾」唔代表「唔使執手尾」——邊類操作可以安全重嚟、邊類唔可以，設定錯咗，重複部署一次，執嘅就係你。MIT 授權係好事，但實驗性 API 隨時變，寫生產系統之前，自己睇清楚。

阿調｜深度調教