火山引擎近日啟動 Seedance 2.5 4K 影片生成模型（AI 影片創作模型）嘅首批企業用户試用，採用「與作品綁定」嘅定向供應模式，只開放俾全球20間工作室及導演，目標係探索搬上大螢幕嘅高端影視生產需求。
據火山官方資料，4K 版主打畫面細節更清晰、人物表演更細膩自然，以及參考生成同編輯嘅一致性更精細，官方聲稱係 Seedance 2.5 呢一代入面能力最強嘅版本。目前用緊呢套模型嘅20部作品，最快下月已有衞視 S 級 IP 劇集上線，亦包括全球級大 IP 電影項目。
對製作方嚟講最實際嘅係計價：一個已試片嘅電影工作室指，Seedance 2.5 4K 並沒有想像中高——可以先用 480P 生成樣片，有滿意嘅鏡頭先再投錢用 4K 重新生成，大幅降低試錯成本。
Seedance 系列除咗影視廣告等創意內容嘅工業化生產，火山話佢哋亦已服務具身智能、製造業仿真等實體產業應用。
阿調搞兩下：呢個「先草圖、後精修」嘅分段計價，好類似傳統片場嘅先拍後剪，4K 先落喺已確定嘅鏡頭上，冇咗「白做」嘅成本。但4K片源未出街，實際成片有幾好，留待作品播出先再講。
