10 月 29 日深圳嘅騰訊全球數字生態大會智慧出行專場，騰訊一次過出咗兩樣嘢：車內智能座倉「TAI 智能體」，同埋俾車企用嘅「AI 組織效能解決方案」，順帶講咗智能駕駛、Robotaxi 同出海嘅最新進度。
先講車入面嗰個。TAI 由座倉助手、出行服務智能體、內容娛樂智能體加跨端接續組成，佢哋嘅思路係把訂餐廳、買門票、訂座呢啲嘢從「幫你揾」變成「幫你做」：用户話一句「想喺某市揾個帶細路玩嘅地方，沿途食 lunch」，佢就負責推薦景點、規劃行車線、揾餐、買門票、訂位、付款。技術底層係騰訊地圖＋微信小程序生態＋微信支付，融合元寶全雙工語音、元寶搜索（接入 13 個垂直行業 157 個權威信源）同混元大模型。跨端接續打通手機元寶、微信小微，俾用户可以喺車外先查車況、傳目的地。
再入車廠辦公室，就係話幾多車要生產呢個題。孫燕分享嘅案例話，某車企原本要開幾星期跨部門會去做產銷協同，引入智能體後由系統整合內部經營數據同外部市場信息，生成利潤、銷量角度嘅決策建議，壓縮到 1–2 日，最終決定仍由企業管理層做。
圖片：RuinDig/Yuki Uchida／CC BY 4.0／Wikimedia Commons
同場公佈嘅組織效能方案，係想由個體工具提升到企業級工作流，核心係 Skill 提取與重用——一個資深工程師可能花咗好幾年先積累到一套獨特產品驗證方法，就算佢願意分享，新同事都仲要經歷學習、實踐同反覆溝通，先可以掌握。
騰訊同時話，長安、比亞迪、廣汽、零跑等近九成國內車企正使用相關智能體同模型服務。
阿調搞兩下：呢份料基本上全部來自騰訊一方，「近九成車企」冇任何獨立數據可以核，「1–2 日」亦係案例口徑，唔係獨立測數。最想知道嘅係：呢啲智能體上車之後，錯一次要幾耐先修復到，定係全權限自動做？而當數據要交畀一個平台先搞得到呢啲事，車企嘅數據話事權仲喺邊度？
阿調｜深度調教
