中國首個國家級AI醫學影像識別大賽：1332隊參賽193個獎項

國家級「AI+醫學影像」比賽，1332隊入圍

5日，「2026全國醫保影像AI識圖大賽」頒獎大會喺廣西南寧舉行。呢個係中國首個國家級「AI+醫學影像識別」專業賽事，由中國國家醫療保障局同廣西壯族自治區人民政府聯合主辦，吸引海內外1332支隊伍報名，產生一、二、三等奬共193個獎項。

賽事設8大高發疾病賽道，包括肺癌、腎癌、顱內動脈瘤、乳腺癌、甲狀腺癌等，覆蓋CT、MRI、超聲、X光等多種影像模態，並強調以真實世界臨床診斷路徑設計。中國科學院院士滕皋軍喺大會喺主旨報告；邕江實驗室發布數智創新平台成果；廣西醫科大學第一附屬醫院介紹「U型隱私訓推網絡」。

廣西省級醫保影像雲平台截至今年10月31日已接入1780家醫療機構，累計上傳影像數據超1776萬例，跨院調閲超347萬次。科大訊飛（iFlytek）係平台建設營運方，佢嘅副總裁鹿曉亮介紹，系統透過AI技術「深度融入醫生工作流程」，實現「秒級跨院影像調閲」，並「重點攻關影像長程智能體」。

範淼（中山大學附屬第一醫院廣西醫院放射科主任）提咗一個案例：一位柳州患者腹痛輾轉多家醫院、花近萬元檢查未果，醫生透過醫保影像雲調閲基層檢查影像後，發現腸道缺血徵兆，「僅用幾塊錢嘅藥物」便治癒。

廣西提出探索建設「中國—東盟醫學影像數據共享服務中心」，推動AI醫療國際合作。鹿曉亮講，開展「AI+醫療」國際合作嘅核心難點係「不同國家對數據出境有嚴格限制」，仲有語言差異、標準不統一。

國家醫保局局長章軻稱，國家醫保局「持續優化前端制度供給、做實中端場景落地、完善後端成效評價」。廣西官方表示將「以賽促創、以賽促融、以賽促用」。

國家級「AI+醫療影像」比賽193個奬，聽落好似好熱鬧。但呢個係醫療，唔係消費品評測，1332隊比完，最緊要唔係邊隊贏，而係：

醫療數據係最私隱嘅個人數據。AI識圖越「快、准、全」，數據集中嘅風險越大。呢啲問題，193個奬獎，冇一個係比邊個答嘅。

阿調｜深度調教