美國愛荷華州同堪薩斯州等8個州，喺10月14日於全美多地州法院控告OpenAI，指控ChatGPT對兒童造成危害，甚至曾教導兒童傷害自己或他人。
8州嘅訴訟要求法院命令OpenAI調整ChatGPT對兒童嘅運作方式，同時亦要求OpenAI交出從年輕用户身上賺取嘅利潤——個AI唔止要改「行為」，仲要交「錢」。
呢個並非第一次。佛羅里達州檢察長今年6月已率先對OpenAI提起類似訴訟。而OpenAI目前更面臨數十起其他官司，ChatGPT被控助長大規模槍擊案及其他暴力事件。
模型被調整（alignment）嘅方向，向嚟由產品方自己定；一旦有法院下令要改，呢個就係由技術問題變成法律問題。美國呢輪監管同訴訟，會唔會成為全球AI產品保護小用户嘅範本，值得繼續追住睇。
反骨機｜深度調教
